الفنان طارق الدسوقي
الفنان طارق الدسوقي، صاحب الأدوار الرزينة، حياته الشخصية كانت عبارة عن محطتين كبار، كل محطة فيهم استمرت 12 سنة بالتمام والكمال، وانتهت بالطلاق رغم وجود الأبناء والاستقرار الظاهري.
المحطة الأولى في حياة طارق الدسوقي كانت هي الأكثر لفتاً للأنظار، لما اتجوز من سيدة من خارج الوسط الفني كانت بتتمتع بجمال باهر، وهي “عبير” التي حصلت على لقب ملكة جمال مصر.
الجواز ده استمر 12 سنة، وخلال السنين دي طارق كان بيحرص على خصوصية بيته، وأثمرت الجوازة دي عن ابنه الأكبر أحمد وبنته لوجين.
صور زفاف طارق الدسوقي وزوجته الأولى ملكة الجمال لسه لحد النهارده بيتم تداولها وقدرت تلفت الأنظار بسبب أناقة الزوجة وملامحها المميزة، لكن رغم العشرة الطويلة والنجاح الأسري، وصل الطرفان لطريق مسدود وانتهت الرحلة بالانفصال.
بعد الطلاق الأول، طارق الدسوقي عاش فترة من الهدوء استمرت سنتين، مكنش بيفكر فيها في الارتباط لحد ما قابل زوجته الثانية.
وبعد سنتين اتجوز طارق الدسوقي للمرة الثانية من داليا البياع وأنجب منها هنا ومازن وبرضو انفصل عنها بعد زواج استمر 12 سنة وكإنه ماضي عقد مع رقم 12 والغريب إن زوجاته الاتنين مولودين في نفس الشهر ونفس البرج
طارق الدسوقي في لقاءاته اتكلم بوضوح عن التجربة دي، وقال إن الانفصال التاني كان أصعب لأنه كان بيأمل إن التجربة تنجح وتستمر، لكن اختلاف وجهات النظر والطباع خلى الاستمرار مستحيل، فكان قرار الطلاق الهادئ هو الحل للمرة الثانية بعد 12 سنة تانية من المحاولات.
طارق الدسوقي بيعتبر نفسه أب محظوظ بولاده الأربعة أحمد ولوجين ومازن وهنا.
ورغم إن صور زفافه من ملكة جمال مصر كانت دايمًا هي الأشهر، إلا إنه بيأكد إن علاقته بأم أولاده التانية برضه فيها كل احترام.
طارق وضح في تصريحات تليفزيونية سابقة إن سبب فشل الجوازتين مكنش خيـ.ـانة أو مشاكل مادية، لكنه كان عدم تفاهم وتراكمات خلت الحياة اليومية صعبة، وهو فضل الانفصال عشان يحافظ على صورة كويسة قدام ولاده وعشان يعيشوا في بيئة هادية بعيد عن المشاكل.
دلوقتي طارق الدسوقي بيعيش حالة من السلام النفسي، وتركيزه كله منصب على شغله الفني وعلى دعم أولاده في حياتهم الدراسية والعملية، وبيعتبر إن الـ 24 سنة اللي قضاهم في جوازتين (12+12) هما اللي شكلوا شخصيته الحالية وخلته يقدر قيمة الاستقرار والهدوء اللي بيعيشهم دلوقتي.
طارق الدسوقي سلامة، اتولد في محافظة القليوبية، سنة 1957، والده كان موظف بالسكة الحديد، ووالدته كانت ممرضة بوزارة الصحة، واتخرج في كلية التجارة بجامعة عين شمس، وكان بيحب الفن من صغره بس عائلته رفضت بس وافقوا بعد إلحاحه ودرس في المعهد العالي للفنون المسرحية واتخرج سنة 1983.
وبدأت رحلته مع الفن كومبارس صامت في فيلم حادث النصف متر مع نيللي، وبعدها بدأ يمثل بعض الأدوار الصغيرة في المسلسلات زي نهاية القصة من سيرة بني هلال، عزيزة ويونس، دعاة الحق، أئمة الهدي، الإمام الغزالي، كمان قدم مسرحيات زي مراتي حنان، الأميرة تنتظر والمسلسل الإذاعي سيدة أعمال.. والفيلم القصير شيش يك.. وانطلاقته الحقيقية كانت من خلال فيلم لا تسألني من أنا مع يسرا
