فضلنا مستنيين

مراتي فضلت حوالي سنتين بعد الجواز مبتخلفش, وفضلنا نجري من دكتور لدكتور لشيخ لدجال ومفيش أي نتيجة للأسف, وده لأن الموضوع عندنا صعب شوية وفكرة إنك متخلفش بنعتبرها عيبة كبيرة في حق الراجل وحق الست, عشان كدا أول ما حملت كنت طاير من الفرحة ومش مصدق أخيرا انها هتخلف وهرفع راسي وسط الناس كلهم, وحتى يوم ما عرفنا الخبر أختي عملت وليمة كبيرة أوي في البلد ووزعت على كل الناس تقريبا..

وفضلنا منتظرين الطفل بفارغ الصبر, شهر واتنين وتلاتة, لحد ما جه يوم الولادة وخلفت مراتي طفل يبان انه عادي, بس نظرة أختي كانت قلقانة وبتقول انه استحالة يكون عادي, الطفل ده مش طبيعي إطـ,ـلاقا, وفعلا وبعد كام شهر بدأت تظهر مـ,ـلامحه, وكان واضع انه هيطلع طفل عنده تأخر عقلي, وقتها مرـ,ـاتي حملت مرة تانية, واستنينا بفارغ الصبر, وخلفت طفل من تاني يعتبر نسخة من أخوه, طفل عنده تأخر عقلي وملامحه مختلفة عن كل الأطفال, مكناش نعرف ان الحالة دي اسمها “متلازمة داون”

وفي يأس كبير حاولت المحاولة الأخيرة يمكن تنصفني المرة دي, بس للأسف جه التالت نسخة من اخواته الاتنين, وقتها تمنيت من كل قلبي لو كانت مخلفتش من الأساس, وكنت ط.لقتها واتجوزت غيرها, أو كانوا يمو*توا وميخرجوش للدنيا من الأساس, وكلها سنتين بس واللي توقعته لقيته, أنا اللي ليا اسم كبير في البلد كلها واسمنا معروف بقا بيتقال لولادي في الشوارع “العبايط” أو العيال المتخ*لفين اللي مبيفهموش, وكنت بتجنن لما بيوصلي الكلام ده, وعملت خناقات كبيرة كانت هتوصل للمو*ت مع أكتر من حد لأنه بيقول كدا على عيالي, بس ده موقفش الناس, خاصةً اللي بيحبوا يشمتوا فينا وفي عيلتنا الكبيرة المعروفة, ومن جوايا بدأت أدور على أي حل للمشكلة اللي انا فيها دي, الطلا.ق مش حل, وبقا عندي رعب من إني أتجوز تاني وأخلف نفس الشكل ده, وقتها هيتأكد الظن إن انا عندي مشـ,ـكلة كبيرة, انما دلوقتي أقدر أرمي المشكلة على مراتي مش عليا انا..

وبدأت أشتكي لأختي مرة واتنين, أختي الكبيرة اللي تقريبا كنا بنعتبرها كبيرة العيلة مش أختنا بس, وبدأت تكلمني عن تخو.فات جواها, التخو.فات عبارة عن إن نسل عيلتنا شريف, مبيخرجش أطفال بالشكل ده, وانها شاكة إن مراتي عملت الحرام مع حد تاني وجابت منه العيال دول, كلامها خلى النا.ر تولع جوايا, لدرجة إني مسكت وكنت رايح أقت*لها, بس أختي قالتلي انا هتأكد الأول, وطلبت مني شعرة مني عشان تكشف وتتأكد العيال دول ولادي ولا لا, العيال ولا شبهي ولا قريبين من طبعي وصفاتي من الأساس..

واستنيت رجوعها على نا.ر لأكتر من 8 ساعات, وفي الآخر رجعت وقالتلي انهم مش ولادي, وان مراتي جابتهم من حد غيري, وبالأخص لما اتأخرنا في الحمل راحت اتصرفت وعملت ده مع حد تاني, عنيا احمرت وبدأت الدنيا تتلون باللون الاسود قدامي, أختي مسكتني بالعافية وقالت ان التنفيذ لازم يبقا بحرفنة عشان محدش ياخد باله مننا, وهنقول انها هـ,ربت بالعيال لأنها ملبو*سة من الج*ن, والعيال اللي خلفتهم دول كانوا من الج*ن..

وخططنا لأكتر من تلت أيام لحد ما جه يوم التنفيذ, خدرت مراتي وعيالي التلاتة, وضر*بتهم بالنا*ر الأربعة بد*م بارد, وحطتهم في شنطة العربية وطلعت بيهم على المقا*بر, د.فنت الأربعة في مق*برة واحدة وقفلت عليهم, كل ده بالنـ,ـسبالي سهل, ومفيش فيه أي مشكلة إطلاقا, وكلمت اختي وقولتلها إن كل حاجة اتنفذت تمام, وقالتلي أرجع شقـ,ـتي وبكرة نبلغ انها هربت في مركز الشرطة ونعمل مشكلة مع أهلها ونتهمهم انهم هربوها ونفض*حهم, وبكدا نفلت من الجر*يمة كلها..

وقتها اتطمنت لأني عارف إن أختي شيطا,نة فعلا, وعمرها ما خططت لحاجة ومعدتش على خير, دايما تخطيطها بيكون مناسب جدا للموقف, روحت شقتي, فتحت الباب ودخلت, وبدأت أسمع صوت في أو,ضتي, صوت مش مفهوم من الأساس, دخلت الأوضة وانا متحفز لقيت مراتي نايمة على السـ,ـرير, مراتي اللي انا قت*لتها ولسة داف*نها من ساعة واحدة بس, وقفت قدامها مش عارف أتنفس من الرعب اللي اتملكني, وقبل ما أتحرك لقيت ولادي التلاتة داخلين الأ,ضة يصحوا أمهم بنفس طريقتهم اللي كانوا بيعملوها, وقتها مقدرتش أتمالك أعصابي وجريت برة الشقة وخرجت منها وانا مرعوب, اتصلت بأختي وحكتلها كل حاجة, قالتلي:

– انت متأكد انك قت*لتهم ودف*نتهم
– أيوة طبعا متأكد
– يبقا انت بتتخيل وبس

وجت أختي وطلعنا الشقة من تاني, وفتشنا فيها حتة حتة, بس مكنش فيه أثر لمراتي وولادي, أختي طمنتني إن كل ده خيالات وطلبت مني أنام لحد الصبح هنا عشان بكرة ننفذ اللي اتفقنا عليه, وفعلا قررت أدخل عشان أنام من تاني, ومسافة ما نعست فوجئت بإيد عنيفة بتهزني بقس*وة غريبة, قمت مخضوض لقيت مراتي وولادي التلاتة واقفين قدام السرير بتاعي ثابتين, والغريب إنهم كانوا لابسين لبس الخروج كأنهم رايحين مشوار..

فضلت أبص ناحيتهم وانا مش قادر أهمس, ولا أتحرك من مكاني, لقيت مراتي بتديني الجلبية بتاعتي وكأنها عاوزاني أخرج معاهم, كنت حاسس إني بدون إرادة واني لازم أتحرك معاهم فورا..

نزلت للشارع لقتهم واقفين على أول الشارع, وماشيين بهدوء شديد, وكل ما كنت بقرب منهم كانوا بيبعدوا بطريقة مخي.فة, الشوارع فاضية والجو لسة ليل, فضلت ماشي وراهم لحد ما وصلت للمقا*بر, وبالأخص مقب.ر*تهم اللي د.فن*تهم فيها, وقبل ما أقرب لقيت راجل وست واقفين قدام المق*برة دي, استخبيت بسرعة واتفاجئت انها أختي ومعاها واحد معرفوش, وسمعتها بتتكلم وبتقول:

– عاوزاك تحبس أي رسالة ممكن تطلع برة المقب.رة دي وتفض*حني, مش عايزة المد*فونة جوة تخرج الحقيقة لأخويا أبدا
– حاضر يا ست الكل بس هتدفعي كتير
– مفيش أي مشكلة, بس المهم ان اللي حصل لاخويا انهاردة وانه يشوفهم بعد مو*تهم ده ميتكررش تاني

وقتها وبدون وعي مسكت حجر ضخمة وقربت منهم بهدوء شديد وفورا نزلت بيه على راس الراجل اللي معاها, أختي اتفزعت من المنظر وأول ما شافتني وشها بقا لونه أصفر بطريقة مرعبة, مسكت الحجر وهددتها لو محكتش اللي حصل هخلص عليها تماما, اترعشت وبدأت ترجع لورا بس أنا مكنتش ناوي أخليها تهرب, لازم أفهم اللي بيدور هنا..

وقالتلي ان العيلة كلها استنت إني أخلف من أول يوم جواز, ولما عدوا سنتين كاملين بدون خلفة اتأكدت إن العيب فيا أنا, وعشان الناس مياكلوش وشنا خدت مراتي تحت التهديد لواحد دجال وعملتلها عمل, بس الدجال اشترطت انه يعمل الفاحشة بمراتي عشان تخلف, ومراتي وقتها كانت شبه متخدرة, وأختي وافقت عشان تتخلص من معايرة الناس, وخلفت مراتي من الدجال مرة واتنين وتلاتة, وكل ده بدون علمي, ولأني كنت رامي الموضوع كله على أختي, ولما العيال اتولدوا بالشكل ده قررت تتخلص منهم كلهم من خلالي وتسخني على مراتي عشان أقــ,تـ,ـلها, وعشان معايرة الناس لينا كعيلة كبيرة ومعروفة..

مكنتش قادر أصدق اللي بتقوله ده, فضلت تتحايل عليا اهدى وانها عملت كل ده لمصلحتي أنا, وانها جابت الدجال ده عشان يحبس حتى قرين مراتي ميخرجش من مكانه يبلغ بالكارثة, بس الغريب إني مشوفتش وقتها القر.ين شيطا,ن, أنا شوفت أختي هي اللي عبارة عن شيطا.ن رج,يم, شيطا,ن قرر يتعامل مع الناس على إنهم عبيد, مش بشر, ينفذوا اللي يتقالهم بالحرف الواحد, وعشان شكلها قدام أهل البلد قررت تن,تهك شر,ف مرات أخوها, وتدمر النسل, وكمان تخليني أقـ,ـتل مراتي وعيالها التلاتة..

محستش بنفسي غير وانا نازل على دماغها بالحجر لحد ما كــــــ,سرت راسها وخليتها بدون ملامح تقريبا, وروحت سلمت نفسي واعترفت بكل حاجة, المق*برة اللي فيها 6 ج*ثث دي أنا اللي قا*تل كل اللي فيها, الد*جال وأختي ومراتي وعيالها التلاتة, كل ده عشان عُرف فاسد في البلد بيقول إن اللي مبيخلفش يبقا راجل معيوب, وان ده مش قضاء وقدر زي ما الدين ما بيقول, كل ده عشان المظاهر, كل ده عشان اهتمينا بالعُرف قبل الشرع والدين..
بقلم: أحمد محمود شرقاوي
…………….
“وَلا تَقْتُـ,ـلُوا أَوْلادَكُمْ خَشْيَةَ إِمْلاقٍ”

لو عندك أي حكاية غريبة أو مخي.فة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص كل اللي تعرفه عن الحكاية أو الموقف المخي.ف ده بدون استئذان وتأكد اني هشوف رسالتك بأمر الله..
بقلم: أحمد محمود شرقاوي
……….
متنساش لو عجبتك القصة تعمل لاف وتعلـ,ـيق برأيك في كومنت..

ومتنساش تمنشن أقرب صديق لك عشان يتابع معانا القصة أو تشاركها مع أصحابك..

وفولو لصفحتي الشخصية لو أول مرة تتابعني عشان يوصلك كل جديد..

بقلم: أحمد محمود شرقاوي