شاب يستغيث
3 بنات 👩🦰👩🦱👩🦳 اتجهوا ناحية شابين 👨🦱👨🦰 واقفين في الشارع 🛣️ وبدأت واحدة فيهم تصورهم 📱🎥
الشاب نشر تسجيلات كاميرا المراقبة 📹 وقال إن البنت كانت بتحاول تلفقله تهمة إنه بيتحرش بيها ❌ بسبب خلافات سابقة مع والدها ⚖️
بعد انتشار المقطع 🔥 البنت خرجت في لايف 🎥 على صفحتها تدافع عن نفسها 🗣️ وده نص إللي قالته 👇
”كنت طالعة أوضح فيديو منتشر ع السوشيال ميديا، مبدئياً يا جماعة ده ابن عمي، في مشاكل ما بينا وما بينهم على الميراث، وكل ما يشوفني بحلوان بيحاول إن هو يتهجم عليا وبيبقى عايز يضربني وبيشتمني بأبشع الألفاظ تمام؟ وطبعاً هو معتاد على كده.
النهاردة وأنا مروحة من الدرس شفته بالصدفة عند المترو، حاول إن هو يضربني وحاول إن هو يتهجم عليا وكان عمال يشتمني تمام؟ جيت وأنا مروحة شفته برضه بالصدفة فصورته عشان خاطر أوري قرايبنا إن هو موجود في حلوان، لأن إحنا كل ما نيجي نشتكي قرايبنا بينكر كده وبيقولي أنا مكنتش موجود في حلوان أنا مشفتهاش، فانا صورته عشان خاطر كده.
هو بيقول إني أنا صورته عشان إن أنا أعمله قضية تحرش، لأ طبعاً أنا متهمتوش إن هو في قضية تحرش، أنا اتهمته إن هو بيشتمني وبيتهجم عليا وبيبقى عايز يضربني تمام؟ ده اللي اتهمته فيه.
والدليل على كده أنا ولا رحت رفعت محضر ضده تمام؟ ولا رحت نزلت الفيديو على السوشيال ميديا زي ما هو ما عمل، وطبعاً هو بيشهر بيا وطبعاً دي بيأذي سمعة البنات، وكمان عشان يضغط على والدي وكده لأن هو عايزنا نسيب البيت ونمشي وندفع مليون جنيه تمام؟
وبالنسبة طبعاً للأحكام القضائية اللي هو منزلها، الأحكام القضائية ديت هي منظورة في المحكمة يعني وكده للفصل فيها، وطبعاً تم اتخاذ كافة الإجراءات القانونية ضده لأن هو بيشهر بيا وبيشهر بصوري وده طبعاً مينفعش.. بس وحبيت إن أوضح لكم النقطة ديت وشكراً.”
هنا انتهى كلام البنت 👩🦰 .. وبصرف النظر عن كلامها هي صادقة ولا بتكذب 🤔، وبصرف النظر عن الخلفيات السؤال هنا:
هل من حق حد يروح ناحية حد تاني واقف في حاله في الشارع 🚶♂️ ومتعرضش ليه ويصوره 📱❓
