علي الحجار

الفنان علي الحجار، اللي كبرنا على تترات مسلسلاته زي “بوابة الحلواني” و”ذئاب الجبل”، كانت بدايته صعبة لدرجة متتصدقش.. الحكاية بدأت من “مكوجي” وانتهت بأسرار ومواقف غريبة قلبت حياته رأسًا على عقب.. تعالوا نعرفها سوا. علي الحجار عاش طفـ.ـولة صعبة جدًا في أوضة واحدة بمنطقة إمبابة، وده حصل بعد ما والده اتفصل من الإذاعة، والحالة المادية بقت تحت الصفر.

وقتها علي وهو لسه طـ.ـفل، كتب جواب للرئيس الراحل جمال عبد الناصر يشتكي من اللي تعرض له والده، لكن للأسف مفيش حد رد عليه.. ومن هنا قرر يشيل المسئولية، واشتغل مكوجي رغم رفض والده، عشان بس يقدر يساعد في مصاريف البيت.. مش بس كده، ده استغل موهبته في الرسم وكان بيرسم جيرانه مقابل 10 قروش للصورة الواحدة.

المفاجأة بقى إن علي الحجار دخل كلية الفنون الجميلة، وفي الفترة دي اكتشف جمال صوته، وبدأ يشتغل مجود للقرآن في الأزهر، وبقى أول مطرب يُعتمد رسميًا كقارئ ومجود، وده كان بتشجيع من جده ووالده الملحن إبراهيم الحجار.

لكن النجاح مكنش سهل، الحجار عاش فترة من أغرب فترات حياته، وهي قصة “الجنية” اللي فضلت معاه 11 سنة كاملة.

الموضوع ده كان سر ومحدش يعرفه غيره، لحد ما في صحفي نشر القصة وعملت كبيرة وتساؤلات مخلصتش من الجمهور.. علي وقتها قال إن التجربة دي هي اللي قربته لربنا أكتر.

الحياة مكنتش دايمًا وردي، علي وقع في أزمة كبيرة مع الضرائب وصلت لـ 160 ألف جنيه، وكان مهدد ، فاضطر يغني في الملاهي عشان يسدد الديون، وهناك وقع في فخ .. بس اللي أنقذه كانت “رؤية” شاف فيها والده وهو بيعاتبه، فقرر في لحظة إنه يرجع للطريق الصح.

أما حياته الشخصية فكانت مليانة حكايات، اتجوز 6 مرات، أشهرهم الفنانة مشيرة إسماعيل، لكن جوازهم مكملش غير سنتين ونص بسبب الغيرة الشديدة وأنجب منها بنته مشيرة.. وبعدها اتجوز الفنانة نيرة، وحاليًا هو مستقر مع زوجته هدى طلعت.

لكن التريند الأخير كان صادم للكل، وهو مع بنته “بثينة”.. بثينة خرجت في فيديو قلبت بيه السوشيال ميديا، وطلبت من الناس يدخلوا والدها، وقالت كلام صعب جدًا عن إنها عايشة على “البقسماط” بقالها 3 أيام ومحدش سائل فيها.

ده خلى اسم علي الحجار يتصدر البحث، والناس انقسمت بين ومكذب، وسط تساؤلات كتير عن حقيقة اللي بيحصل ورا كواليس حياة فنان دايمًا بنشوفه رمز للقيم والفن الراقي.

هو نفسه علق على فيديو بنته وقال إنه مش مهتم السوشيال ميديا

علي الحجار مكنش مخطط إنه يبقى مطرب مشهور، هو كان بيغني في برنامج في التلفزيون المصري، وبالصدفة الملحن العبقري بليغ حمدي كان بيتفرج عليه وانبهر بصوته جدًا.. بليغ فضل يدور عليه لحد ما وصل له، وقرر يتبناه فنياً وقدّمه للجمهور لأول مرة في حفلة ليلة رأس السنة سنة 1977 بأغنية “على قد ما حبينا”، ومن هنا بدأت الرحلة الحقيقية.

علي الحجار حكى عن شخص اسمه “عم صبري” كان عراف وشافه بالصدفة.. الراجل ده قعد معاه وشرب قهوة وقال له تفاصيل عن حياته ومستقبله خلت علي الحجار في حالة ذهول، وقال له إن بكره مشاكله هتتحل، وبالفعل بدأت أبواب الرزق تتفتح له بعدها بشكل غريب ومفاجئ.

علي الحجار عنده 7 أبناء، لكن ابنه أحمد الحجار (الصغير) قرر إنه ميمشيش على خطى والده في غناء التراث والأغاني الطربية.. أحمد بيغني باللغة الإنجليزية في فرقة “موسيقى مستقلة” (Underground)، وده بيورينا قد إيه علي الحجار فنان منفتح وبيدعم ولاده حتى لو اختاروا سكة مختلفة تماماً عن لونه الفني.