الطفلة ملك
“يا رفيعة يا قصيرة”.. صـــ,ــرخة والدة “ملك” ضحية حبة الغلة بالشرقية: “صاحبتها انتقمت منها عشان رفضت تغششها وكانت بتتنمر عليها وتضربها طفلتين بمدينة الزقازيق التابعة لمحافظة الشرقية في الصف الأول الإعدادي وعمرهم 13 سنة، البنتين جت واحدة منهم قالت لصحبتها هديكي علاج عشان النحافة وهيساعدك لزيادة الوزن نظرًا لنحافتها والطفلة أخدت الحباية وبعدها رجعت البيت بتشتكي من وجع شــ,ـديد في بطــ,ـنها، وهذا ما قالته والدة الطفلة فيمنشور لها عبر منصات التواصل الاجتماعي؟
– إيه التفاصيل اللي حصلت مع ملك بنت حضرتك؟
= ملك جت وقالت واحدة صحبتها بتتنمر عليها عشان رفيعة وضعيفة وعلى طول بتتخــ,ـانق معاها، وهي قالتلي وأنا روحت للمدير بعد ما البنت ضــ,ـربتها والمدير ادخل وصالحهم على بعض.
– وبعدين؟
– من كام يوم جت ملك قالتلي واحدة صحبتي قالتلي يا ماما أنها معاها حباية هتزيد وزني وأنا قولتلها مينفعش تعملي ده وتعالي وريني الحباية، وقالتلي ماشي يا ماما، ومعرفش أنها ممكن تعمل كده.
– ادتها الحباية فين في المدرسة؟
= معرفش، هي جت من المدرسة بطــ,ـنها بتوجعها وتعباها دخلت لجدتها ولمرات عمها قالت لها أنا تعبانة ومرات عمها قالت لها متخديش حاجة من حد، بعدها طلعنا بتنا وبنتي قعدت ترجع ترجيع رائحته وحشة جدًا جدًا وأصفر وبعدين قالتلي عايزة أنام، دخلت تنام ودخلت تنام ودخلت ابص عليها لقيتها وشها أصفر وزرقان في شفايفها والعرق ينزل من وجهها وإيديها الاثنين مخشبين ومتلجين، بقولها مالك يا ملك مالك قالتلي يا ماما صحبتي فلانة ادتني حباية عشان أتخن وأنا خدتها، وجه عمها خدها وجري بيها على المستشفي، ولما سألوها على الحباية قالت تخينة وناشفة أوي، وبعدها صوروا فيديو للبنت وهي بتتكلم وبتقول اللي حصل وقالت اسم البنت اللي ادتها الحبة، وبعدها عم بنتي ومرات عمها راحوا للبنت وسألوها هي ادتها أي حباية عشان نعرف نوعها رفضت تقول ونلحق ننقذها.
– الواقعة بقالها كام يوم؟
= النهاردة اليوم السادس للواقعة.
– الدكاترة قالوا إيه عن حالتها ووضعها الصحي؟
= الدكاترة قالوا حالتها خـــ,طيرة.
– الدكاترة أكدوا فعلا أنها حبة غلة؟
= أيوة أيوة وياريت واحدة دي ادتها 2 مش واحدة فقط واحدة خدت نصها وتفت نصها التاني، وبعدها خدت حباية وشربت بعدها ماية، بنتي بين الحياة والموت بنتي فوق في المستشفى بتموت في العناية المركزة بنتي غايبة عن الوعي وكل الأجهزة في جسمها بايظة مفيش حاجة سليمة فيها، وكل ده عشان إيه عشان مش غششتك في الامتحان، والدكاترة قالوا حالتها مش مستقرة.
– هي ترصدت للبنت تقصدي؟
= نفسي أعرف عملت كده ليه مفيش بينا أي حاجة وأنا معرفش عملت كده ليه بنتي والله ما عملت لها حاجة ولا بينا أي حاجة ولا نعرف الناس دي، والله ما فاكرة شكل البنت من ساعة ما كنا عند مدير المدرسة بنصلحهم.
– طيب البنت بتتنمر عليها بتقولها إيه؟
= كانت كل ما تشوفها تقولها يا أوزعة يا قصيرة يا رفيعة وتجيبها من شعرها طب ليه، ملك مش تستاهل كده ولا تستاهل النوم دي.
– رد فعل المدرسة..؟
= تاني يوم دخلت المدرسة عادي ولكنها حاليًا في النيابة.
– ليه عملت كده؟
=معرفش ليه غيرة منها ولا إيه والفيديو اللي متصور في المستشفى قبل ما تدخل الغيبوبة ملك قالت عملت كده عشان رفضت اغششها في الامتحان.
– حضرتك بتطلبي إيه دلوقتي؟
= عايزة حق ملك عايزة حق بنتي عايزة اعرف ليه عملت كده والله بنتي قبل الغيبوية والله وحياة الأدان قالت متعمليش فيها حاجة يا ماما متعملوش فيها حاجة يا بابا، والله بنتي ما تستاهل أول فرحتي وأكبر بناتي عندي غيرها 3 بنات.
– هي ملك متفوقة في المدرسة؟
= بنتي متفوقة وشاطرة في المدرسة.
– رد فعلك لما قالتلك صحبتي هتديني اقراص تساعدني على زيادة الوزن؟
= رد فعلي أنه مش هينفع وقعدتها من الدرس 4 أيام ولكن كانت بتروح المدرسة عشان الامتحانات ومكنش ينفع تغيب، وحطيت في دماغي أن ملك عمرها ما تعمل كده.
– الأطباء محدش طمنك خالص عليها؟
= لأ يا رب يشفيها.
– تحبي تقولي إيه لأهل البنت؟
= حسبي الله ونعم الوكيل فيكم نفسي بنتهم تقولي ادتها إيه والله ما كنت هأذيها ولا هعملها إيه بنتي بقالها 6 أيام في الرعاية وقاعدة مستنياها في الشارع.
دعواتكم لـ “ملك” بالشفاء المعجز، فهي في أمسّ الحاجة لدعائكم الآن.. وحقها لازم يرجع.
