منظر ممكن تشوفه
منظر ممكن تشوفه في حياتك، لما تشوف راجل من وقلة الحيلة، واقف عاجز قدام واقع مفروض عليه ميعرفش يغيره منه.. وشايف تعبه وتحويشة عمره بتتاخد وتتدمر قدام عينيه، بسبب إداري بين جهتين هو ملوش فيه
الشاب اللي شايفينه قدامكم اسمه محمد عبدالخالق من الإسكندرية، عنده 27 سنة. عمل مشروع هو ووالدته وأخوه، عبارة عن قاعة أفراح على أحد الشواطئ، واستأجر الأرض من نقابة الأطباء من شهر 1 اللي فات،
ولكن النهارده اتفاجأ، وبعد 7 شهور، إن فيه حملة من المحافظة على المكان بتاعه ، وبيجمعوا عدته والفرش وكل حاجة قدامه. ولما سأل فيه إيه؟ وبتعملوا كدا ليه؟ قالوله إن نقابة الأطباء في الأساس متعدية على أرض المحافظة وهما جايين ينفذوا
الشاب وقتها من القهرة ووقع من كتر ما ضغطه علي واخوه طلب من الناس يدعوا له لانه محجوز بالمستشفي
تجاهلوه، وبرضه فضوا القاعة، ورئيس النقابة واللي معاه كانوا واقفين بيتفرجوا من بعيد.
وبرغم اللي هو فيه أخوه أكد وقال للناس أن محمد بيعتذرلكم ومحدش يزعل ولا يقلق، أفراحكم على مسؤوليتي، وهتم في معادها، أنا هتصرف… أنتم ملكمش ذنب
سؤال بقي يعني لو فعلًا نقابة الأطباء مكانش من حقها تأجر الأرض أو تتصرف فيها لأنها أرض تابعة للمحافظة، يبقى إزاي اتأجرت لأسرة محترمة دفعت حوالي 4 مليون جنيه بعقد وإجراءات رسمية؟ ولو فيه مخالفة أو تجاوز، يبقى الطبيعي إن المسؤولية تتحملها الجهة اللي أجرت الأرض، مش شاب وأسرة محترمه استأجرت بحسن نية ودفعت كل اللي عليها فين العدل إن المواطن هو اللي يدفع تمن خطأ هو ملوش أي دخل فيه؟
سؤال بقي يعني لو فعلًا نقابة الأطباء مكانش من حقها تأجر الأرض أو تتصرف فيها لأنها أرض تابعة للمحافظة، يبقى إزاي اتأجرت لأسرة محترمة دفعت حوالي 4 مليون جنيه بعقد وإجراءات رسمية؟ ولو فيه مخالفة أو تجاوز، يبقى الطبيعي إن المسؤولية تتحملها الجهة اللي أجرت الأرض، مش شاب وأسرة محترمه استأجرت بحسن نية ودفعت كل اللي عليها فين العدل إن المواطن هو اللي يدفع تمن خطأ هو ملوش أي دخل فيه؟
نرجو من سيادة محافظ الإسكندرية التدخل العاجل في هذه الواقعة، وفتح تحقيق شفاف وعادل لكشف كل الملابسات، ولو كلام الأسرة صحيح، فهم ملهمش أي ذنب في أي نزاع أو مخالفة بين الجهات، ومن حقهم القانوني الحفاظ على حقوقهم وتعويضهم عن أي أضرار لحقت بيهم نتيجة واقعة لا يد لهم فيها، مع محاسبة أي مسؤول يثبت تقصيره أو مخالفته للقانون
نرجو من سيادة محافظ الإسكندرية التدخل العاجل في هذه الواقعة، وفتح تحقيق شفاف وعادل لكشف كل الملابسات، ولو كلام الأسرة صحيح، فهم ملهمش أي ذنب في أي نزاع أو مخالفة بين الجهات، ومن حقهم القانوني الحفاظ على حقوقهم وتعويضهم عن أي أضرار لحقت بيهم نتيجة واقعة لا يد لهم فيها، مع محاسبة أي مسؤول يثبت تقصيره أو مخالفته للقانون
