عشت ٨ سنين راضية

الشهقة اللي طلعت من حماتي زلزلت البيت. أعمامه كانوا بيبصوا للورق ومبرقين كأنهم بيقروا طلاسم.
طارق زي المجنون وهجم عليا عشان ياخد الورق إنتي مجنونة! الورق ده مزور!
بس أخويا مسكه وضربه بالبوكس وقعه على الأرض، ووقف فوقيه يحميني.
كملت كلامي وصوتي بيعلى أكتر، والدموع اللي كنت حابساها سنين بدأت تنزل بس دموع قوة مش ضعف
الورقة التانية اللي معاكم دي، تحاليل طارق الأصلية اللي بتثبت إنه بيخلف وزي الفل… والتحاليل المزورة اللي كان عاملها عشان يوهمني إنه عقيم، عشان يقفل باب الخلفة معايا، ويخليني أشيل أنا الليلة قدامكم، وتعايروني ليل ونهار إني أرض بور، وأنا سليمة ومفياش أي حاجة! كل ده عشان يداري على جوازه العرفي، وبعدين الرسمي من بنت خالتي في اللي اشتراها من فلوس قروض !

حماتي حطت إيدها على قلبها، ووقعت على الكرسي وهي بتنهج ومش قادرة تتنفس، وبتبص لابنها اللي كان بالنسبة لها ملاك نازل من السما
يا كداب؟ يا خاين؟ تخليتني أظلم الغلبانة دي سنين وأشيل ذنبها وأدعي عليها، وإنت اللي كنت بتخلف من ورايا وعامل فيها ؟
طارق كان على الأرض، بيحاول يلاقي أي مبرر، عينيه بتزوغ في كل حتة
يا جماعة اسمعوني… هي السبب! هي اللي كانت نكدية… أنا كنت بحب مها
بتحب مها؟! صرخت فيها بأعلى صوتي… عشان كده من فلوس شركتك عشان تشتريلها وتصرف عليها؟ وعشان كده زورت توكيل وبصلت باسمك وخدت بيها قروض وسيبتني مديونة؟
في اللحظة دي، جرس الباب رن بصوت مزعج

أخويا راح فتح، ودخل ضابط شرطة ومعاه قوة.
الضابط بص لطارق اللي مرمي على الأرض وقال
طارق محمود العزازي؟ مطلوب القبض عليك التزوير في محررات رسمية، أموال من شركة المقاولات اللي بتشتغل فيها، بناءً على البلاغ المقدم من رئيس مجلس الإدارة.
الورق اللي المحامي بتاعي قدمه للشركة كشف كل ألاعيبه، والشركة مكدبتش خبر ورفعت قضية فورية.
طارق اتكلبش في ثواني. وقبل ما العساكر يشيروه لبره، وقفت قدامه، وطلعت ورقة أخيرة من شنطتي… تنازل رسمي عن حضانة حور ليا، وتنازل عن أي حق ليه في اللي إحنا فيها

قلتله بصوت واطي ومخيف
امضي دي يا طارق… لو ممضيتش، أقسم بالله لأقدم بلاغات التزوير في التحاليل الطبية والتوكيلات المضروبة، وهخلي سجنك بدل ما هو 5 سنين ، يبقى 15 سنة تزوير و نصب. البنت دي بنتي أنا… أنا اللي سهرت وربيت، مش الأب اللي رماها ولا الأم اللي خانتني. امضي!
من رعبه وصدمته، ومن خوفه من اللي كترت عليه، مضى على الورق
وهو بيترعش. العساكر شدوه لبره، والبيت فضي من كل الناس ما عدا أمي وأخويا، وحماتي اللي كانت منهارة على الأرض بتعيط وتلطم على ابنها اللي ضاع وعلى ظلمها ليا.

بصيت لحماتي، وقلتلها بكل هدوء الدنيا
أنا مسامحاكي يا حماتي على كل كلمة قلتيها في حقي… بس اللي مش هسامح فيه، هو إنك ربيتي راجل بالشكل ده. برا بيتي لو سمحتي، وورقة طلاقي توصلني بكرة الصبح.
بعد مرور ٣ سنين…
وقفت في بلكونة شقتي، نفس الشقة اللي رجعتها باسمي منها كل ذكرياته السوداء. كنت ماسكة فنجان القهوة بتاعي، وببص على حور اللي بقت عروسة صغيرة عندها 8 سنين، قاعدة بتلعب مع أخوها الصغير ياسين اللي بيمشي على الأرض لسه بيتعلم الخطوات الأولى.

أيوه… ياسين ابني! من صلبي ومن رحمي.
بعد ما اطلقت من طارق، ربنا عوضني ب أحمد، محترم، متدين، عرف قصتي كلها من المحامي بتاعي اللي طلع خاله، وطلب إيدي. اتجوزني، واحتوى حور كأنها بنته بالضبط. وبعد جوازنا بشهرين بس… اكتشفت إني حامل. الدكتور وقتها قالي إني سليمة 100 ومكنش فيه أي تأخير غير حكمة ربنا عشان يرزقني في الوقت الصح، ومع الراجل الصح.
طارق لسه في السجن، بيقضي عقوبة 7 سنين في قضايا الاختلاس والتزوير. أمه ماتت من القهر عليه بعد ما دخل بسنة.
بصيت للسما، وابتسمت من قلبي. أخدت نفس عميق، وضميت ياسين ، وحور جريت عليا من الناحية التانية وقالتلي بحبك أوي يا ماما ندى.

ربنا كبير أوي… يمهل ولا يهمل. بياخد مننا حاجات، عشان يعوضنا بالأجمل والأحسن. خلاني أعيش 8 سنين في قهر وظلم، عشان في النهاية يرزقني ببنت زي الملاك تكون هي سندي في الحياة، ويرزقني بزوج صالح وابن من صلبي يكملوا فرحتي.
عمر الأمومة ما كانت مجرد حمل وولادة… الأمومة هي دافي، وسهر، وحب بدون مقابل. وحور هتفضل دايماً بنتي البكرية… اللي القدر جابها ليا من وسط العتمة، عشان تنور حياتي للأبد.
تمت…
الكاتبه_نور_محمد
النهاية جبرت بخاطر ندى الحمد لله… ربنا مبيسبش حق حد مظلوم! إيه رأيكم في نهاية طارق وحماته؟ ومين فيكم اتوقع إن مها هي اللي تطلع الأم؟
شاركوني رأيكم في التعليقات تحت، وادعموا القصة بصلاة على النبي