حفيدة الشيخ علي جمعة
مش همسك إيده إلا بعد كتب الكتاب ..
“حفيدة الشيخ علي جمعة تحتفل بعقد قرانها .. وتفاجئ الجميع بشرطها قبل الزفاف (كل حاجة تبقى حلال من أول لحظة) ❤️
– في زمن بقى فيه ناس كتير بتجري ورا المظاهر، قررت العروس “نور” حفيدة فضيلة الشيخ علي جمعة انها تبدأ أجمل يوم في عمرها بطريقة مختلفة خالص .
– نور احتفلت بعقد قرانها على الشاب أحمد، في أجواء عائلية بسيطة اقتصر حضورها على الأهل والمقربين، لكن أكتر حاجة خطفت انتباه الناس ماكنش الفرح نفسه .. ولكن كان الشرط اللي العروسة حطته قبل بداية الاحتفال.
– نور أصرت إن كتب الكتاب لازم يتم الأول، قبل أي فقرة في الفرح، وقبل ما تدخل القاعة مع عريسها أو يمسكوا إيد بعض أو حتى يتصوروا صورة واحدة.
ولما اتسألت عن السبب، كان ردها بسيط لكنه مؤثر :
“عشان كل لحظة بينا من أول ثانية تبقى حلال وترضي ربنا.”
– وقالت منظمة الحفل إن من أجمل المواقف اللي شافتها، إن العروسة كانت حريصة إن دخولها مع عريسها، وإمساك إيده، والتصوير، وكل تفاصيل الليلة، تكون بعد عقد القران وفي إطار شرعي كامل.
– عقد القران أقامه بنفسه الدكتور علي جمعة، عضو هيئة كبار العلماء بالأزهر الشريف، داخل القاعة المفتوحة المجاورة لمسجد فاضل بمدينة السادس من أكتوبر، وسط حضور الأهل وعدد من المقربين، كما حضر الدكتور أسامة الأزهري وزير الأوقاف، واتسم الحفل بالبساطة والهدوء.
– الموقف لاقى إعجاب واسع على مواقع التواصل، واعتبره كثيرون رسالة جميلة تؤكد إن الفرح الحقيقي مش بس في الاحتفال .. لكن كمان في إن بداية الحياة الزوجية تكون على طاعة الله.
بارك الله لهما، وبارك عليهما، وجمع بينهما في خير. ❤️
في أجواء عائلية دافئة سادتها المحبة والبساطة، واقتصرت على حضور الأهل والمقربين وبعض الأصدقاء فقط، احتفلت «نور» حفيدة فضيلة الشيخ علي جمعة بعقد قرانها على الشاب «أحمد»، لتُتوّج هذه اللحظة السعيدة وسط أجواء مليئة بالبهجة والدعوات الطيبة للعروسين في بداية حياتهما ونشرت منظمة الأفراح «نور الله» عبر حسابها على إنستجرام لقطات من عقد قران حفيدة الشيخ علي جمعة، وعلقت على الصور قائلة: «فرحة أغلى الغاليين.. نور وأحمد، الله يحفظهم يارب ويبارك العمر كله».
وكتبت منظمة الأفراح: «ما شاء الله تبارك الله من أحلى المواقف اللي شوفتها أن العروسة طلبت يكون كتب الكتاب قبلها والإشهار للجميع في حفلة كتب الكتاب والسبب أن الدخول ليهم مع بعض ماسكين اليد يكون شرعي وحلال وتصوير الصور يكون حلال، ومن أكتر المواقف اللي حبيتها أن كل لحظة تكون حلال وتقوى لله وشرعي، الله يحفظها من أي شر ويحفظهم من عيون الناس يارب ويرزقنا جميعا حب الله».
