مزرعة البقر
قال 2 مليون
ضحكت بصوت عالي لحد ما البقر اتخض
قلت له 2 مليون المزرعة دي دلوقتي تساوي 12 مليون غير مشروع الطاقة الشمسية اللي بيجيب 2 مليون
في السنة لوحده غير بيع اللحمة المباشر
وشه
اختي قالت انتي طماعة
قلت لها انا طماعة انا اللي اترميت في كيس ژبالة وانتي اللي عايزة تاخدي مزرعتي هدية عيد ميلاد ابقى انا الطماعة
امي قالت خلاص هنسيبك تفكري
قلت لها فكري ان المزرعة دي مش للبيع لا ليكم ولا لغيركم
مشيوا وهما متضايقين
بعدها باسبوع لقيت جواب جاي من محامي
بيقول ان ابويا رافع عليا قضية بيقول ان المزرعة دي ملك عائلي وان عمتي مضت التوكيل وهي مش في وعيها وانه ليه حق فيها
اخدت الجواب وروحتللمحامي بتاعي
المحامي بتاعي ده كان صاحب عمتي من 30 سنة
قال لي متقلقيش ورقك كله سليم والتوكيل سليم وعمتي كانت موثقة كل حاجة وانتي معاكي 18 سنة ضرايب مدفوعة باسمك وشغل وتطوير يثبت انك صاحبة المكان
دخلنا المحكمة والقاضي سأل ابويا انت سبت بنتك في المزرعة دي من امتى
قال من وهي 13 سنة
قال ومرجعتلهاش ليه
سكت
القاضي سأله بعت لها فلوس
قال لا
سأله كلمتها
قال لا
القاضي بصله وقال يعني انت رميت بنتك 18 سنة ومرجعتش
ولا صرفت عليها جنيه وجاي دلوقتي تقول المزرعة ملك عائلي
القاضي حكم ان المزرعة ملكي انا 100 وملهمش اي حق فيها
طلعت من المحكمة لقيت ابويا قاعد على الرصيف بيعيط
اول مرة اشوف ابويا بيعيط من وانا عندي 13 سنة
قال لي انا خسړت كل حاجة خسرتك انتي وخسړت القضية واختك زعلانة مني عشان معرفتش اجيبلها المزرعة
قلت له انت مخسرتنيش النهاردة انت خسرتني من 18 سنة يوم ما قلت لاختي انها تستاهل صيف حقيقي وانا ببوظه
قال لي طب ممكن نبدأ من جديد
قلت له الارض بتفتكر مين اللي راعاها زي ما عمتي كانت بتقول وانا عمري ما هنسى مين اللي سابها ومين اللي رعاها
عمتي هي اللي كانت امي وابويا هي اللي ادتني جوانتي وقالت تقدري تفضلي على قد ما انتي عايزة وانا هفضل هنا اراعي ارضها لحد ما اموت
وسيبته قاعد على الرصيف وركبت عربيتي النص نقل ورجعت على مزرعتي
وانا داخلة لقيت العمال كلهم مستنييني وبيسقفوا عشان كسبت القضية
واحد منهم قال لي يا ست المزرعة دي بتاعتك انتي وبس
دخلت بيت عمتي وفتحت الدولاب لقيت الجوانتي القديم بتاعها والكيس الژبالة
الاسود اللي كنت جاية بيه من 18 سنة كنت لسه محتفظة بيه عشان يفكرني انا كنت فين وبقيت فين
وحطيت الكيس في برواز وعلقته في اوضة المكتب وكتبت تحته كنت فاكرة اني اترميت بس طلعت اتزرعت
بعد ما كسبت القضية وسبت ابويا قاعد بيعيط على الرصيف قدام المحكمة رجعت المزرعة وانا حاسة اني اخيرا خدت حقي مش حق الفلوس حق اني اتسمعت مرة واحدة
القاضي لما قاله انت رميت بنتك 18 سنة ومرجعتش ولا صرفت جنيه وجاي تقول ملك عائلي انا حسيت ان كل السنين اللي كنت بعيط فيها لوحدي وانا عندي 13 سنة حد اخيرا قال الكلمة اللي نفسي اسمعها
رجعت المزرعة لقيت العمال عاملين لي حفلة صغيرة جايبين تورته وعليها صورة عمتي
واحد من اقدم العمال قال لي عمتك لو كانت عايشة كانت هتكون فخورة بيكي اوي انتي مش بس حافظتي على المزرعة انتي كبرتيها
قلت له انا معملتش حاجة عمتي هي اللي ادتني جوانتي وقالت تقدري تفضلي على قد ما انتي عايزة الكلمة دي هي اللي خلتني ابني كل ده
بالليل وانا قاعدة في مكتب عمتي ببص على الورق لقيت تليفوني بيرن رقم غريب تاني
رديت لقيتها
اختي
صوتها كان بيعيط بجد مش تمثيل زي
قبل كده
قالت لي هو انتي كسبتي بجد
قلت لها ايوة
قالت انا اسفة انا مكنتش اعرف انهم سابوكي بالطريقة دي انا كنت فاكرة انك انتي اللي مش عايزة ترجعي معانا ماما كانت بتقول لنا انك بتحبي المزرعة وانك مبسوطة هناك وانك انتي اللي طلبتي تفضلي
قلت لها وانتي صدقتي ازاي واحدة عندها 13 سنة هتطلب تفضل في مزرعة لوحدها وهدومها في كيس ژبالة
قالت كنت صغيرة وكنت بصدق اي حاجة ماما تقولها بس لما كبرت بدأت احس ان في حاجة غلط لما كنت بسألهم عليكي كانوا بيتهربوا
قلت لها طب جاية تعتذري دلوقتي ليه عشان خسرتوا القضية والمزرعة
قالت لا والله انا جاية اعتذر عشان انا كمان اتوجعت لما عرفت الحقيقة انا طول عمري كنت فاكرة ان عندي اخت كبيرة بتحب المزرعة وبتكرهنا بس طلع ان احنا اللي كرهناكي
سكت شوية وبعدين قلت لها انتي ملكيش ذنب انتي كنتي عيلة صغيرة زيي
قالت ممكن اشوفك
قلت لها تشوفيني فين
قالت اجيلك المزرعة
قلت لها تعالي بس لوحدك من غير ابوكي وامك
تاني يوم لقيت عربية صغيرة داخلة المزرعة نزلت منها اختي لابسة بنطلون جينز
بسيط وتيشيرت مش لبس الاميرة بتاع صور الانستا
اول ما شافتني وقفت بعيد ومش عارفة تقول ايه
انا كنت واقفة وجنبي كلب المزرعة
قالت ازيك
قلت لها ازيك
قربت خطوة وقالت انا اسفة
