مقص بنتي

بابا! أنت.. أنت هنا من إمتى؟ أنا.. أنا أسفة والله مش بعور نفسي متزعلش مني!
نزلت على ركبي وجريت عليها، أخدتها في حضني وعصرتها بين إيديا، وقعدت أبكي بكسرة وأنا ببوس راسها وإيديها
سامحيني يا بنتي.. سامحيني يا حبيبة بابا.. أنا مش زعلان منك، بس فهميني يا ندى، إيه سر المقصات دي؟ وليه بتقولي لماما إنك طالما جبتي مقص يبقى هي معاكي؟ فهميني عشان خاطري قلبي هيقف!
ندى مسحت دموعي بإيديها الصغيرة، وبصتلي بعيون بريئة مليانة شجن، وقالتلي بصوت واطي ومكسور
أصل يا بابا.. يوم ما كنا راجعين من عند الدكتور في آخر يوم لماما.. قبل ما توحشنا وتروح عند ربنا.. أنا كنت ماسكة إيدها وبكاي وبقولها أنتِ هتسيبيني يا ماما؟ هتمشي وتسبيني لوحدي؟
سكتت ندى لحظة، والدموع جمعت في عينيها تاني ورجعت كملت
ماما دموعها نزلت، وشدمتني ليها وقالتلي لا يا قلب ماما، أنا عمري ما هسيبك، بس هنعمل حاجة كل ما تعمليها هكون معاكي وبسمعك وتعرفي تحكيلي كل اللي في قلبك.. تروحي لحد غلبان وتراضيه بفلوس صدقة، بس أوعي تقوليله خد فلوس عشان متجرحش مشاعره، اشتري منه أي حاجة وسيبيله الباقي من الفلوس.
أنا كنت بشتعل من جوة، وبسمعها بذهول، فنكمل ندى كلامها
أنا وقتها صبورة ومفهمتش، وسألت ماما يعني إيه غلبان يا ماما؟ أروح لمين؟ فماما شاورتلي من شباك العربية على الراجل اللي قاعد تحت بيتنا في الشارع الجانبي.. الراجل الغلبان اللي رجله مبتورة وبيبيع مقصات أظافر ومقصات ورق صغيرة.. وقالتلي زي الراجل ده كده يا ندى، رجله مقطوعة ومعندهوش شغالة تانية يشتغلها غير دي، ودايماً قاعد في الحر والشتا يحاول يكسب لقمة حلال.. خدي الفلوس دي وروحي اشتري منه مقص خلينا ننفعه، ومتاخديش منه الباقي، وقوليله خلي الباقي عشانك يا عمو.

كلامها نزل عليا ذبحني! الطفلة من براءتها ربطت السر في الفكرة المجردة للمقص، مش بمبدأ الصدقة ومساعدة المحتاج! كانت فاكرة إن المقص هو التلفون اللي بتكلم بيه أمها في الجنة!
دموعي نزلت بغزارة، وأخدتها في حضني تاني وضميتها لصدري بقلب مكسور. مسحت على شعرها وقولتلها بصوت دافي مليان حنية ورضا
يا حبيبتي يا ندى.. يا قلب بابا وأمك.. أمك الله يرحمها كان قصدها جميل أوي، بس أنتِ فهمتي نص القصة بس يا عيون بابا.
ندى بصتلي باستغراب وقالت
يعني إيه يا بابا؟ هي ماما مش بتسمعني لما أجيب المقص؟
رديت عليها وأنا ببتسم من بين دموعي وبمسح وشها
ماما بتسمعك وبتدعيلك في كل وقت لأنك بنت صالحة وبتدعيلها.. بس ماما كان قصدها إننا نعمل الخير ونساعد المحتاجين. والخير يا ندى يا حبيبتي كتير جداً وله طرق كتيرة أوي، مش بس إننا نشتري مقصات! الراجل الطيب اللي تحت بيتنا ده