ولدت انا وسلفتي

شريف جوزي كان واقف مذهول، بصلي وبص للبيبي اللي في حضني وقال بنبرة حائرة
نيرمين.. حبيبتي، أنتِ لسه مخضوضة من كبسولة والإنذار، والأسورة في إيدك مديانا إن الواد تمام.. ركزي كده وبصي في وشه كويس.
زعقت بشدة والوجع بيموتني في جرحي
مش ابني يا شريف! الأم بتعرف ابنها من ريحته ومن ملمسه! الولد ده وشه باهت وضامم صوابعه بطريقة غريبة، والأهم من كل ده.. ابني أول ما اتولد كان في كعب رجله اليمين وحمة صغيرة حمراء على شكل هلال.. بص هنا!
رفعت رجل البيبي اللي معايا قدام الكل، كعب رجله كان أملس ونظيف تماماً ومفهوش أي أثر لأي وحمة.
الأوضة سادها موت مفاجئ. أم أحمد عينيها زاغت وبقت تبص لندى برعب، والحاجة نادية برطمت وبلعت ريقها بس حاولت تكابر

تلاقيكِ كنتِ دايخة من البنج وتهيألك موضوع الوحمة ده! العيال كلها كعوبها حمرا وزي بعضها!
لأ متهيأليش!
صوتي كان طالع زي الخنجر، وبصيت لندى اللي كانت لسه شايلة البيبي التاني وواقفة بيه على باب وعمالة تتسحب لورا عشان تخرج.
صرخت في شريف
اقفل الباب يا شريف! متخليش ندى تخرج بالولد ده! هاتوا الولد اللي معاها حالا واكشفوا على كعب رجله اليمين!
شريف مكدبش خبر، خطوتين وكان واقف قفل بيه الباب ومد إيده لندى بحسم
هاتي الواد يا ندى.. معلش، عشان نقطع الشك باليقين ومراتي ترتاح.
ندى بدأت تترعش وتعيط بهستيريا وتلف وتدور

الحاجة نادية اتعصبت وجات تقف في وش شريف
أوعى يا شريف تلمس ابن أخوك، مرأتك رسمي وعاوزة البيت وتوقع الإخوات في بعض!
في اللحظة دي، شريف مبقاش سامع لحد، زق إيد حماتي بالراحة بس بقوة، وشد لفة البيبي من إيد ندى اللي كانت متبتة فيها بكل غل. ندى قعدت في الأرض تبكي وتصرخ كأنها .
شريف جاب الولد عندي على ، وبإيد بترتعش، رفعنا كوفيرية رجل الولد اليمين..
أول ما كشفنا عن كعب رجله، ظهرت الوحمة الحمراء الصغيره اللي على شكل هلال واضحة زي عين الشمس!
هو ده! ده ابني يا شريف! ده إياد!

أخدت ابني في حضني وبقيت أعيط بهستيريا وأنا ، والولد أول ما شم ريحتي سكت وبطل عياط كأنه عرف إنه رجع لحضن أمه.
شريف وشه اسود من الغضب، وبص لأم أحمد ولمح الأسورة الذكية اللي في رجل البيديل.. لقاهم تامروا وقصوا الأسورة القديمة ولصقوا واحدة تانية متبرمجة بنفس الكود عشان الجهاز ميصفرش!
شريف هجم على أم أحمد الممرضة ومسكها من هدوما وهبدها في الحيطة
مين اللي دفعلك عشان تعملي كده؟! انطقي وإلا وحياة ديني هطلع بروحك في إيدي قبل ما البوليس ييجي!
أم أحمد تبرق وترتعش ووقعت على ركبها وهي بتعيط

أنا ماليش ذنب يا شريف بيه! الست ندى هي اللي اتفقت معايا وادتني 200 ألف جنيه وشيك بمؤخر الطلاق بتاعها! قالتلي إن ابنها مولود بمرض جيني خطير ومالوش علاج وهي مش قادرة تشيل شيلته، وقالت إن الست
نيرمين عندها صندوق ائتماني بالملايين من أهلها والفلوس هتعالج الواد ومحدش هيخسر حاجة! أنا نفذت كلامها بس والله!
الحاجة نادية حطت إيدها على بقها وقعدت على الكرسي ومش قادرة تنطق من الصدمة وفضحت سر زوجة ابنها الكبير.

ندى أول ما لقت المستور اتكشف وأم أحمد باعتها، زحفت على الأرض لحد ما وصلت لرجلي وبقت تعيط وتترجاني بصوت
سامحيني يا نيرمين! بالله عليكِ ما تحبسيني! أنا كنت من الرعب، أهل جوزي وعيلة الشناوي كانوا ويرموني في الشارع لو عرفوا إني خلفت عيل مريض! وأنتِ أهلك مقتدرين وعندك ملايين ل إياد.. قُلت الفلوس دي هتعالج ابني المريض وفي نفس الوقت هيفضل جوزي معايا.. أنا كنت غبية وعميت من الخوف!
بصيت لها بقرف وقولت كنتِ عاوزة تسرقي ابني السليم وتسبيني بقلب على عيل عيان تلات سنين لحد ما أموت من حسرتي؟ أنتِ مش بني آدمة، أنتِ شيطانة!
شريف طلع تليفونه وطلب البوليس علطول، وطلب أمن المستشفى اللي جم حاصروا  على ندى وعلى أم أحمد الممرضة متلبسين وتبديل أطفال.

في وسط الزيطة دي كلها، ولمحت من ورا الباب أسماء، الممرضة الشابة اللي حذرتني في الأول.. كانت واقفة بتبصلي وهي بتتنفس الصعداء وبتطمني بعينيها، شاورتلها بإيدي بشكر وامتنان، لولا ربنا ثم تحذيرها ليا، كنت زماني نايمة وضحية لأكبر مؤامرة في حياتي.
حضنت ابني إياد السليم المعافى في ، وحلفت في سري إن من اللحظة دي.. مفيش مخلوق في الدنيا هيقدر يقرب منه أو يلمس شعره منه، وبقت عيني عليه ومفارقتوش ثانية واحدة لحد ما خرجنا من المستشفى بالسلامة.